# अर्धनारीश्वरस्तोत्रम्

> ।।श्रीः।। ।।अर्धनारीश्वरस्तोत्रम्।। चाम्पेयगौरार्धशरीरकायै कर्पूरगौरार्धशरीरकाय। धम्मिल्लकायै च जटाधराय नमः शिवायै च नमः शिवाय।।1।। कस्तूरिकाकुङ्कुमचर्चितायै चितारजःपुञ्जविचर्चिताय। कृतस्मरायै विकृतस्…

- **Canonical URL:** https://batukuvacha.com/posts/ardhnaariishvrstotrm/
- **Published:** 2023-05-02
- **Publisher:** बटुक उवाच (Batuk Uvacha) — https://batukuvacha.com
- **Language:** Hindi (hi), with Sanskrit passages
- **Categories:** स्तोत्र
- **Tags:** आदिशङ्कराचार्यः, शिव

_Cite as: बटुक उवाच, “अर्धनारीश्वरस्तोत्रम्”, https://batukuvacha.com/posts/ardhnaariishvrstotrm/_

---
> ।।श्रीः।। \

> ।।अर्धनारीश्वर[स्तोत्र](/posts/dvaadshlinggstotrm/)म्।।
चाम्पेयगौरार्धशरीरकायै

> कर्पूरगौरार्धशरीरकाय।

धम्मिल्लकायै च जटाधराय
> नमः [शिव](/posts/shivbhujngm/)ायै च नमः शिवाय।।1।।

कस्तूरिकाकुङ्कुमचर्चितायै

> चितारजःपुञ्जविचर्चिताय।

कृतस्मरायै विकृतस्मराय
> नमः शिवायै च नमः शिवाय।।2।।

झणत्क्वणत्कङ्कणनूपुरायै

> पादाब्जराजत्फणिनूपुराय।

हेमाङ्गदायै भुजगाङ्गदाय
> नमः शिवायै च नमः शिवाय।।3।।

विशालनीलोत्पललोचनायै

> विकासिपङ्केरुहलोचनाय।

समेक्षणायै विषमेक्षणाय
> नमः शिवायै च नमः शिवाय।।4।।

मन्दारमालाकलितालकायै

> कपालमालाङ्कितकन्धराय।

दिव्याम्बरायै च दिगम्बराय
> नमः शिवायै च नमः शिवाय।।5।।

अम्भोधरश्यामलकुन्तलायै

> तटित्प्रभाताम्रजटाधराय।

निरीश्वरायै निखिलेश्वराय
> नमः शिवायै च नमः शिवाय।।6।।

प्रपञ्चसृष्ट्युन्मुखलास्यकायै

> समस्तसंहारकताण्डवाय।

जगज्जनन्यै जगदेकपित्रे
> नमः शिवायै च नमः शिवाय।।7।।

प्रदीप्तरत्नोज्ज्वलकुण्डलायै

> स्फुरन्महापन्नगभूषणाय।

शिवान्वितायै च शिवान्विताय
> नमः शिवायै च नमः शिवाय।।8।।

एतत्पठेदष्ठकमिष्टदं यो
> भक्त्या स मान्यो भुवि दीर्घजीवी।
प्राप्नोति सौभाग्यमनन्तकालं

> भूयात्सदा तस्य समस्तसिद्धिः।।9।।

इति श्रीमत्परमहंसपरिव्राजकाचार्यस्य
श्रीगोविन्दभगवत्पूज्यपादशिष्यस्य
श्रीमच्छंकरभगवतः कृतौ
> अर्धनारीश्वरस्तोत्रम् संपूर्णम्।।