# दक्षिणामूर्तिस्तोत्रम्

> ।।श्रीः।। ।।दक्षिणामूर्तिस्तोत्रम्।। उपासकानां यदुपासनीय मुपात्तवासं वटशाखिमूले। तद्धाम दाक्षिण्यजुषा स्वमूर्त्या जागर्तु चित्ते मम बोधरूपम्।।1।। अद्राक्षमक्षीणदयानिधान माचार्यमाद्यं वटमूलभागे। मौनेन …

- **Canonical URL:** https://batukuvacha.com/posts/dkssinnaamuurtistotrm/
- **Published:** 2023-05-01
- **Publisher:** बटुक उवाच (Batuk Uvacha) — https://batukuvacha.com
- **Language:** Hindi (hi), with Sanskrit passages
- **Categories:** स्तोत्र
- **Tags:** आदिशङ्कराचार्यः, शिव

_Cite as: बटुक उवाच, “दक्षिणामूर्तिस्तोत्रम्”, https://batukuvacha.com/posts/dkssinnaamuurtistotrm/_

---
> ।।श्रीः।। \

> ।।दक्षिणामूर्ति[स्तोत्र](/posts/dvaadshlinggstotrm/)म्।।
उपासकानां यदुपासनीय

> मुपात्तवासं वटशाखिमूले।

तद्धाम दाक्षिण्यजुषा स्वमूर्त्या
> जागर्तु चित्ते मम बोधरूपम्।।1।।

अद्राक्षमक्षीणदयानिधान

> माचार्यमाद्यं वटमूलभागे।

मौनेन मन्दस्मितभूषितेन
> महर्षिलोकस्य तमो नुदन्तम्।।2।।

विद्राविताशेषतमोगणेन

> मुद्राविशेषेण मुहुर्मुनीनाम्।

निरस्य मायां दयया विधत्ते
> देवो महांस्तत्त्वमसीति बोधम्।।3।।

अपारकारुण्यसुधातरङ्गै

> रपाङ्गपातैरवलोकयन्तम्।

कठोरसंसारनिदाघतप्ता
> न्मुनीनहं नौमि गुरुं गुरूणाम्।।4।।

ममाद्यदेवो वटमूलवासी

> कृपाविशेषात्कृतसंनिधानः।

ओंकाररूपामुपदिश्य विद्या
> माविद्यकध्वान्तमपाकरोतु।।5।।

कलाभिरिन्दोरिव कल्पिताङ्गं

> मुक्ताकलापैरिव बद्धमूर्तिम्।

आलोकये देशिकमप्रमेय
> मनाद्यविद्यातिमिरप्रभातम्।।6।।

स्वदक्षजानुस्थितवामपादं

> पादोदरालंकृतयोगपट्टम्।

अपस्मृतेराहितपादमङ्गे
> प्रणौमि देवं प्रणिधानवन्तम्।।7।। \

> युवापि यः सन्नुपदेष्टुमीष्टे।
प्रणौमि तं प्राक्तनपुण्यजालै
> राचार्यमाश्चर्यगुणाधिवासम्।।8।।

एकेन मुद्रां परशुं करेण

> करेण चान्येन मृगं दधानः।

स्वजानुविन्यस्तकरः पुरस्ता
> दाचार्यचूडामणिराविरस्तु।।9।।

आलेपवन्तं मदनाङ्गभूत्या

> शार्दूलकृत्त्या परिधानवन्तम्।

आलोकये कंचन देशिकेन्द्र
> मज्ञानवाराकरबाडबाग्निम्।।10।।

चारुस्थितं सोमकलावतंसं

> वीणाधरं व्यक्तजटाकलापम्।

उपासते केचन योगिनस्त्व
> मुपात्तनादानुभवप्रमोदम्।।11।।

उपासते यं मुनयः शुकाद्या

> निराशिषो निर्ममताधिवासाः।

तं दक्षिणामूर्तितनुं महेश
> मुपास्महे मोहमहार्तिशान्त्यै।।12।।

कान्त्या निन्दितकुन्दकंदलवपुर्न्यग्रोधमूले वस

> न्कारुण्यामृतवारिभिर्मुनिजनं संभावयन्वीक्षितैः।

मोहध्वान्तविभेदनं विरचयन्बोधेन तत्तादृशा
> देवस्तत्त्वमसीति बोधयतु मां मुद्रावता पाणिना।।13।।

अगौरनेत्रैरललाटनेत्रै

> रशान्तवेषैरभुजंगभूषैः।

अबोधमुद्रैरनपास्तनिद्रै
> रपूरकामैरमरैरलं नः।।14।।

दैवतानि कति सन्ति चावनौ

> नैव तानि मनसो मतानि मे।

दीक्षितं जडधियामनुग्रहे
> दक्षिणाभिमुखमेव दैवतम्।।15।।

मुदिताय मुग्धशशिनावतंसिने

> भसितावलेपरमणीयमूर्तये।

जगदिन्द्रजालरचनापटीयसे
> महसे नमोऽस्तु वटमूलवासिने।।16।।

व्यालम्बिनीभिः परितो जटाभिः

> कलावशेषेण कलाधरेण।

पश्यल्ललाटेन मुखेन्दुना च
> प्रकाशसे चेतसि निर्मलानाम्।।17।।

उपासकानां त्वमुमासहायः

> पूर्णेन्दुभावं प्रकटीकरोषि।

यदद्य ते [दर्शन](/posts/1-paashcaaty-drshn-1-1-drshnkii/)मात्रतो मे
> द्रवत्यहो मानसचन्द्रकान्तः।।18।।

यस्ते प्रसन्नामनुसंदधानो

> मूर्तिं मुदा मुग्धशशाङ्कमौलेः।

ऐश्वर्यमायुर्लभते च विद्या
> मन्ते च [वेद](/posts/ythemaan-vaacn-klyaanniim/)ान्तमहारहस्यम्।।19।। \

> इति दक्षिणामूर्तिस्तोत्रं संपूर्णम्।।